LEIOA BIDEAN
2014ko abenduan, Leioako Merkatarien Elkarteak eta Leioako Udalak ‘Leioa Bidean’ jarri zuten martxan. Erosketa etxera eramateko zerbitzua da eta bertako merkatarien udalerriko auzo guztietara zabaltzea du xede.
Nola funtzionatzen du?
- Egin erosketa ekimenari atxikitako dendetara bertaratuz edo telefonoz deituz.
- Leioan, Erandion eta Getxon ematen da zerbitzua.
- Bezeroak eskaria egin eta ordu gutxira izango du etxean, 1,65 euroren truke.
- Gainera, erosketa anizkoitza egin daiteke; hau da, herriko saltoki desberdinetan erosi eta dena batera jaso, zerbitzu bakarra ordainduta.
- Astelehenetik ostiralera ematen da zerbitzua, 10:30etatik 14:30etara eta 18:00etatik 20:00etara (abuztuan izan ezik).
Leioako Merkatarien Elkartea
Leioa Bidean datuetan
Proiektuak 200 eskari baino gehiago kudeatzen ditu hilero. Eskaera handiena duen sektoreetako bat elikadura da; haren atzetik daude farmazia, tindategia eta dekorazioa.
Zerbitzu honekin, helburu hauek bete nahi dira:
- Batetik, bertako merkatarienren ekonomia berrindartzea eta geografikoki sakabanatutako udalerria izateak dakartzan oztopoak ezabatzea.
- Leioako herritarrei bizitza erraztea.
- Tokiko enplegua sustatzea.
- Eta, azkenik, ingurumena babesteko neurriak bultzatzea; esaterako, erosketa ibilgailu elektronikoarekin eramatea etxera.
Saltoki bat daukat… Nola atxiki niezaioke ‘Leioa Bidean’ proiektuari?
Deitu telefonoz Leioako Merkatarien Elkartera (656 70 85 01) edo Behargintza Leioara (94 400 41 95), eta proiektuari atxikitzeko baldintzak azalduko dizkizugu. Nahiago baduzu, emaila bidal diezagukezu info@comerciosunidosdeleioa.com edo merkatarien@leioa.eus (Behargintza) helbidera.
Saltoki bazkideek 1 euro ordaindu behar dute zerbitzua, eta bazkide ez direnek 1,5 euro.
